ଟୋଲ୍ ଆଦାୟରେ ବ୍ୟସ୍ତ ବିଭାଗ, ରାଜପଥରେ ପୋଖରୀ

ଖୋର୍ଦ୍ଧା–ବଲାଙ୍ଗୀର NH-57ରେ ଯାତାୟାତ ବିପଦଜନକଟୋଲ୍ ଆଦାୟରେ ବ୍ୟସ୍ତ ଜାତୀୟ ରାଜପଥ ବିଭାଗ। ହେଲେ ରାସ୍ତାର ଅବସ୍ଥା ଦେଖିଲେ ଚିନ୍ତାଜନକ ଚିତ୍ର। ଖୋର୍ଦ୍ଧା–ବଲାଙ୍ଗୀର ୫୭ ନମ୍ବର ଜାତୀୟ ରାଜପଥର ପୁବୁସାହି, ଜାଗୁଳେଇପାଟଣା ଓ ସରଧାପୁର ନିକଟରେ ବର୍ଷାଜଳ ଜମି ରାସ୍ତା ପୋଖରୀର ଭ୍ରମ ସୃଷ୍ଟି କରୁଛି। ରାସ୍ତା ଉପରେ ଅନେକ ସ୍ଥାନରେ ପାଣି ଜମି ରହୁଥିବାରୁ ଯାନବାହନ ଚଳାଚଳ ବାଧାପ୍ରାପ୍ତ ହେବା ସହ ଦୁର୍ଘଟଣାର ଆଶଙ୍କା ବଢ଼ୁଛି। ଗାଡ଼ି ଚାଳକମାନେ ଗାଡ଼ି ନେଇ ଯାଉଥିବା ବେଳେ ଗାତରେ ପଡ଼ି ଗାଡ଼ିର ବିଭିନ୍ନ ଅଂଶ କ୍ଷତିଗ୍ରସ୍ତ ହେଉଥିବା ଅଭିଯୋଗ ମଧ୍ୟ ରହିଛି।ଟୋଲ୍ ଆଦାୟ ସହ ରାଜପଥର ରକ୍ଷଣାବେକ୍ଷଣ ଓ ଜଳ ନିଷ୍କାସନ ଉପରେ ମଧ୍ୟ ବିଭାଗ ଦୃଷ୍ଟି ଦେବ କେବେ?—ଏବେ ଏହି ପ୍ରଶ୍ନ ଉଠାଇଛନ୍ତି ସ୍ଥାନୀୟ ଲୋକେ ଓ ଯାତ୍ରୀ।