ଏକ୍ସଲେନ୍ସ ଇନ୍ ହାୟର ଏଡୁକେସନ୍ ଲିଡରସିପ୍ ସମ୍ମାନରେ ସମ୍ମାନିତ ସୁକାନ୍ତ ପରିଡ଼ା

ଜଗତପୁର: ଜଗତପୁର ଥାନା ଅନ୍ତର୍ଗତ ଖଇରା ଇମାମନଗର ଅଞ୍ଚଳର ସୁକାନ୍ତ ପରିଡ଼ାଙ୍କୁ ଉଚ୍ଚ ଶିକ୍ଷା କ୍ଷେତ୍ରରେ ତାଙ୍କର ନେତୃତ୍ବ, ଅବଦାନ ଓ ଉଲ୍ଲେଖନୀୟ କାର୍ଯ୍ୟ ପାଇଁ 'ଏକ୍ସଲେନ୍ସ ଇନ୍ ହାୟର ଏଡୁକେସନ୍ ଲିଡରସିପ୍ ସମ୍ମାନ-୨୦୨୬' ରେ ସମ୍ମାନିତ କରାଯାଇଛି। ନୂଆଦିଲ୍ଲୀର ତାଜ୍ ପାଲେସ୍ ଠାରେ ଆୟୋଜିତ ଟାଇମସ ନାଓ ଏଡୁକେସନ୍ ସମିଟ-୨୦୨୬ ରେ ତାଙ୍କୁ ଏହି ସମ୍ମାନ ପ୍ରଦାନ କରାଯାଇଛି। ସେ ସେନଚୁରିଆନ୍ ୟୁନିଭରସିଟି ଅଫ୍ ଟେକ୍ନୋଲୋଜି ଆଣ୍ଡ ମାନେଜମେଣ୍ଟ ର ଆଡମିସନ ଓ ମାର୍କେଟିଂ ବିଭାଗରେ ନିର୍ଦ୍ଦେଶକ ଭାବେ କାର୍ଯ୍ୟରତ ଅଛନ୍ତି। ଦୀର୍ଘ ୨୪ ବର୍ଷର ତାଙ୍କର ପେଶାଦାର ଯାତ୍ରାରେ ପ୍ରତିଷ୍ଠାନିକ ବିକାଶ, ରଣନୀତିକ ନେତୃତ୍ବ, ଶିଳ୍ପ-ଶିକ୍ଷାନୁଷ୍ଠାନ ସହଯୋଗ ଏବଂ ଶିଳ୍ପ ସଂଯୋଜିତ ଉଚ୍ଚ ଶିକ୍ଷାର ବିକାଶ ପାଇଁ ଅବଦାନ ର ସ୍ୱୀକୃତି ଆଣିଦେଇଛିଏହି ସମ୍ମାନ। ନିଯୁକ୍ତି ଯୋଗ୍ୟତା, ଉଦ୍ୟମିତା, ଦକ୍ଷତା ବିକାଶ, ଶିକ୍ଷା କ୍ଷେତ୍ରରେ ନବସୃଜନ, ଛାତଛାତ୍ରୀଙ୍କ ଫଳାଫଳ ଓ ଦୀର୍ଘମିଆଦି ପ୍ରତିଷ୍ଠାନିକ ବିକାଶ ଉପରେ ଶ୍ରୀ ପରିଡ଼ା ବିଶେଷ ଗୁରୁତ୍ଵ ଦିଅନ୍ତି ବୋଲି ସେ ପ୍ରକାଶ କରିଛନ୍ତି।