ମା'ଦୁର୍ଗାଙ୍କ ମୃଣ୍ମୟୀ ମୂର୍ତ୍ତି ପୂଜା ପାଇଁ ସୁନିଆଁରେ ମାଟି ଅନୁକୂଳ

କେନ୍ଦ୍ରାପଡା ଜିଲ୍ଲା ରାଜକନିକା ବ୍ଲକର ବାଣିଜ୍ୟ କେନ୍ଦ୍ର ଭାବେ ଜଣାଶୁଣା କଣ୍ଟପଡା ବଜାର ଶ୍ରୀ ଶ୍ରୀ ସତ୍ୟନାରାୟଣ ବଣିକ ସଂଘ ଆନୁକୂଲ୍ୟରେ ମା'ଦୁର୍ଗାଙ୍କ ମୃଣ୍ମୟୀ ମୂର୍ତ୍ତି ପୂଜା ପାଇଁ ବୁଧବାର ଶୁଭ ସୁନିଆଁ ବାମନ ଜନ୍ମ ପୂଣ୍ୟ ତିଥିରେ ବୈତରଣୀ ଓ ଖରସ୍ରୋତା ନଦୀ ସଂଲଗ୍ନ ଘାଟ ଠାରେ ଶଙ୍ଖ ଘଣ୍ଟଘଣ୍ଟା ବାଜାବାଣ ହୁଳହୁଳି କୀର୍ତ୍ତନ ସହ ପୂଜାବିଧି ପୂର୍ବକ ମାଟିଉଠା ଅନୁକୂଳ ପର୍ବ ମହାସମାରୋହରେ ସମାପନ ହୋଇଯାଇଛି । ଚଳିତ ବର୍ଷ ବିଧିପୂର୍ବକ ମା'ଙ୍କ ପୂଜାର୍ଚ୍ଚନା ମହାସମାରୋହରେ ଅନୁଷ୍ଠିତ ହେବାକୁ ଯାଉଅଛି । ବଣିକ ସଂଘର ସମସ୍ତ କର୍ମକର୍ତ୍ତା ଓ ସଭ୍ୟାସଭ୍ୟ ମାନଙ୍କ ସକ୍ରିୟ ଅଂଶଗ୍ରହଣରେ ଆସନ୍ତା ୧୬ରୁ ଷଷ୍ଠୀ ପୂଜା ଆରମ୍ଭ ହୋଇ ଅକ୍ଟୋବର ୨୦ରେ ଦଶହରା ଓ ୨୫ରେ ଭଷାଣୀ ଉତ୍ସବ ହୋଇ ସମାପନ ହେବ ବୋଲି ବଣିକ ସଂଘର ସଭାପତି ଅଜୟ କୁମାର ଦାଶ, ଉପ ସଭାପତି ସୁଶାନ୍ତ ପରିଡ଼ା, ସମ୍ପାଦକ ଜ୍ଞାନରଞ୍ଜନ ସାହୁ, ସହ ସମ୍ପାଦକ ଭରତ ଚନ୍ଦ୍ର ବାରିକ୍ ଓ କୋଷାଧ୍ୟକ୍ଷ ଦୟାନିଧି ଦାଶ ପ୍ରମୁଖ ସୂଚନା ପ୍ରଦାନ କରିଛନ୍ତି । କର୍ତ୍ତାଭାବେ ଗୁରୁଚରଣ ଦାଶ କାର୍ଯ୍ୟ ସମ୍ପାଦନ କରିଥିବା ବେଳେ, ସଞ୍ଜୟ ବାରିକ୍, ପ୍ରମୋଦ ପାଣି, ସଞ୍ଜୟ କୁମାର ଦାଶ, ମୁକ୍ତିରଞ୍ଜନ ବିଶ୍ୱାଳ, ରାଜକିଶୋର ବେହେରା, ସୁଦର୍ଶନ ନାୟକ, ସନ୍ତୋଷ ନାୟକ, ରାଜେନ୍ଦ୍ର ଶତପଥୀ, ପ୍ରଶାନ୍ତ ଭଞ୍ଜ, ନିରୋଦ ଜେନା, ବିଜନ ଜେନା ଓ ଅନିଲ ରାଉତ ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନା କରିଥିଲେ ।