ଜର୍ଜ ତିର୍କୀଙ୍କ ପ୍ରଥମ ଶ୍ରାଦ୍ଧବାର୍ଷିକୀ .... ଅଭିମାନୀ, ସ୍ୱାଭିମାନୀ, ପ୍ରତିବଦ୍ଧତା ସ୍ଵରୁପ ନେତା ଥିଲେ ଜର୍ଜ ତିର୍କୀ

ରାଉରକେଲା: ସୁନ୍ଦରଗଡ ଜିଲ୍ଲା ର ଜଣେ ଟାଣୁଆ,ଲଢୁଆ ତଥା ବିରମିତ୍ରପୁରର ପ୍ରାକ୍ତନ ବିଧାୟକ ଜର୍ଜ ତିର୍କୀଙ୍କ ପ୍ରଥମ ଶ୍ରାଦ୍ଧବାର୍ଷିକୀ ରେ ଜିଲ୍ଲା। ତଥା ରାଜ୍ୟର ବିଭିନ୍ନ ରାଜନୈତିକ ଦଳର ନେତୃବୃନ୍ଦ, ପ୍ରଶାସନିକ ଅଧିକାରୀ ଓ ଜନସାଧାରଣ ଯୋଗଦେଇ ଶ୍ରଦ୍ଧାଞ୍ଜଳି ଜଣାଇବା ସହ ତାଙ୍କର ସ୍ମୃତି ଚାରଣ କରିଥିଲେ। ପ୍ରଶାନ୍ତ ଚନ୍ଦ୍ର ଅମାତ୍ ଙ୍କ ସଂଯୋଜନା ଓ ଜର୍ଜଙ୍କ ପୁତ୍ର ତଥା ବିରମିତ୍ରପୁର ବିଧାୟକ ରୋହିତ ଯୋଶେଫ୍ ତିର୍କିଙ୍କ ଆବାହକତ୍ୱରେ ଆୟୋଜିତ ଏହି ଶ୍ରଦ୍ଧାଞ୍ଜଳି ସଭାରେ ବିଜେଡିର ବରିଷ୍ଠ ନେତା ଦେବୀ ମିଶ୍ର, ନବରଙ୍ଗପୁରର ପ୍ରାକ୍ତନ ସାଂସଦ ପ୍ରଦୀପ ମାଝୀ, ଜିଲ୍ଲା ବିଜେଡ଼ି ସଭାପତି ପ୍ରଦ୍ୟୁମ୍ନ ତ୍ରିପାଠୀ, ରଘୁନାଥପାଲୀ ବିଧାୟକ ଦୁର୍ଗା ଚରଣ ତନ୍ତୀଙ୍କ ସମେତ ଜିଲ୍ଲାପାଳ, ଅତିରିକ୍ତ ଜିଲ୍ଲାପାଳ, ପଶ୍ଚିମାଞ୍ଚଳ ଡିଆଇଜି ବ୍ରିଜେଶ ରାୟ, ଶ୍ରମିକନେତା ଗୋପାଳ ଦାସ, ଶଶଧର ନାୟକ, କଂଗ୍ରେସ ନେତା ଜ୍ଞାନେନ୍ଦ୍ର ଦାଶ,ହାଲୁ ମୁଣ୍ଡାରୀ, ନିହାର ରାୟ,ସୁବ୍ରତ ତରାଇ, ବିରେନ୍ ସେନାପତି,ସୁଦାମ ଦାଶ, ଜୟନ୍ତ ମିଶ୍ର, ପ୍ରଶାନ୍ତ ସେଠୀ, ନିହାର ସୁରିନ, ବେନଡିକ୍ଟ ତିର୍କି,ଡ଼ଃ ସୁମନ ଦତ୍ତ, ଅନୀଲ ବରୁୱ।, ମନୋରଞ୍ଜନ ଦାଶ ଙ୍କ ସମେତ ବହୁ ବିଶିଷ୍ଟ ବ୍ୟକ୍ତି ଯୋଗଦେଇ ସ୍ବର୍ଗତ ତିର୍କୀଙ୍କ ଜୀବନାଦର୍ଶ, ରାଜନୈତିକ ତଥା ସଂଘର୍ଷମୟ ଜୀବନ, ଶ୍ରମିକ ଓ ଆଦିବାସୀଙ୍କ ସ୍ବାର୍ଥ ପାଇଁ ଲଢେ଼ଇ ଉପରେ ବକ୍ତବ୍ୟ ରଖିଥିଲେ। ପ୍ରାକ୍ତନ ସାଂସଦ ଶ୍ରୀ ମାଝୀ ତାଙ୍କ ବକ୍ତବ୍ୟରେ ଜର୍ଜଙ୍କୁ ଅଭିମାନୀ, ସ୍ୱାଭିମାନୀ, ତଥା ଆଦିବାସୀମାନଙ୍କ ପାଇଁ ନିଃସ୍ୱାର୍ଥପର,ପ୍ରତିବଦ୍ଧତାର ସ୍ବର ଥିଲେ ବୋଲି ମତ ରଖିଥିଲା ବେଳେ ଜିଲ୍ଲା ସଭାପତି ଶ୍ରୀ ତ୍ରିପାଠୀ ତାଙ୍କୁ ଏକ ବ୍ରାଣ୍ଡ ଭାବେ ଅବହିତ କରି ତାଙ୍କ ଜୀବନୀ ନେଇ ଏକ ପୁସ୍ତକ ରଚନା କରିବା ପାଇଁ ଆହ୍ବାନ ଦେଇଥିଲେ। ଅନ୍ୟ ଅତିଥି ମାନେ ସେମାନଙ୍କ ବକ୍ତବ୍ୟରେ କହିଲେ ଯେ ଜର୍ଜ ତିର୍କୀ କହିଲେ ଏକ ଆନ୍ଦୋଳନ କୁ ବୁଝାଏ। ତାଙ୍କର ରାଜନୈତିକ ଓ ସମାଜସେବା ଜୀବନ ଅନ୍ୟମାନଙ୍କ ପାଇଁ ଉଦାହରଣ ବୋଲି ମତ ରଖିଥିଲେ। ଏହି କାର୍ଯ୍ୟକ୍ରମରେ ବହୁ ସଂଖ୍ୟାରେ ଜନସାଧାରଣ ଯୋଗଦେଇ ଶ୍ରଦ୍ଧାଞ୍ଜଳି ଜଣାଇଥିଲେ।