ସଂପୁର ଗ୍ରାମରେ ପାଳିତ ହେଲା ନୂଆଖାଇ ମହୋତ୍ସବ ୨୦୨୬

ଖୋର୍ଦ୍ଧା: ସଂପୁର ଗ୍ରାମରେ ନୂଆଖାଇ ମହୋତ୍ସବ-୨୦୨୬ ମହାସମାରୋହରେ ପାଳିତ ହୋଇଯାଇଛି। ଏହି ଅବସରରେ ଆୟୋଜିତ ସାଂସ୍କୃତିକ ଓ ସମ୍ବର୍ଦ୍ଧନା କାର୍ଯ୍ୟକ୍ରମରେ ଖୋର୍ଦ୍ଧା ଓକିଲ ସଂଘ ସଭାପତି ଲୋତକ ବିନ୍ଦୁ ପଟ୍ଟନାୟକ ମୁଖ୍ୟ ଅତିଥି ଭାବେ ଯୋଗଦେଇଥିଲେ। ଜିଲ୍ଲା ପରିଷଦ ସଭ୍ୟ ପ୍ରକାଶ କୁମାର ସାହୁ ମୁଖ୍ୟବକ୍ତା ଭାବେ ଯୋଗଦେଇ ନୂଆଖାଇ ପର୍ବର ମହତ୍ତ୍ୱ ଓ ଓଡ଼ିଆ ସଂସ୍କୃତିରେ ଏହାର ସ୍ଥାନ ସମ୍ପର୍କରେ ମତବ୍ୟକ୍ତ କରିଥିଲେ।ସମ୍ମାନିତ ଅତିଥି ଭାବେ ବିଇଓ ତଥା ଶିକ୍ଷାବିତ୍ ପ୍ରମୋଦ କୁମାର ସ୍ୱାଇଁ, କଟକ ରେବା ପ୍ରତିଷ୍ଠାନର ମୁଖ୍ୟ ପ୍ରଫୁଲ୍ଲ କୁମାର ପାତ୍ର, ପୂର୍ବତନ ସରପଞ୍ଚ ସୁବାସ ଚନ୍ଦ୍ର ସ୍ୱାଇଁ, କଳାକାର ମୁନା ପଣ୍ଡା, ହେମନ୍ତ ଦେଓ, ହରପ୍ରସାଦ ମହାନ୍ତି ଓ ଏମ୍. ଆଲୋକ କୁମାର ପ୍ରମୁଖ ଯୋଗଦେଇଥିଲେ।କାର୍ଯ୍ୟକ୍ରମକୁ ଶାନ୍ତନୁ ଛୋଟରାୟ ଓ ଶିକ୍ଷକ ଅରୁଣ କୁମାର ସାହୁ ସଂଯୋଜନା କରିଥିଲେ। ମହୋତ୍ସବ କମିଟିର ସଭାପତି ତଥା ବରିଷ୍ଠ ସାମ୍ବାଦିକ ନିରଞ୍ଜନ ନାୟକ (ଅନିଲ) କାର୍ଯ୍ୟକ୍ରମରେ ସଭାପତିତ୍ୱ କରିଥିଲେ। ନୂଆଖାଇ ଅବସରରେ ଗ୍ରାମବାସୀଙ୍କ ମଧ୍ୟରେ ଭାଇଚାରା, ସାଂସ୍କୃତିକ ଏକତା ଓ ଉତ୍ସାହର ପରିବେଶ ସୃଷ୍ଟି ହୋଇଥିଲା।