କବିବର ପରିଡାଙ୍କ ବିୟୋଗରେ ଶୋକ ସଭା

ରାଉରକେଲା: ଆଜି ସଂଧ୍ୟା ୬ଘଟିକା ସମୟରେ ଖଣ୍ଡାୟତ କ୍ଷତ୍ରିୟ ମହାସଭା କାର୍ଯ୍ୟାଳୟ ପରିସରରେ ସାଧାରଣ ସମ୍ପାଦକ ଶଶଧର ପାତ୍ରଙ୍କ ଅଧ୍ୟକ୍ଷତାରେ ଦିବଂଗତ କବି ତଥା ଖଣ୍ଡାୟତ ମହାସଭାର ଆଜୀବନ ସଦସ୍ୟ କବିବର ପରିଡ଼ାଙ୍କ ଦେହାନ୍ତ ଅବସରରେ ଏକ ଶୋକସଭା ଅନୁଷ୍ଠିତ ହୋଇଯାଇଛି। ତାଙ୍କ ଅବର୍ତ୍ତମାନରେ ମହାସଭା ଜଣେ ମହାନ କବି, ହୃଦୟବାନ ମାନବ ଓ ସକ୍ରୀୟ ସଦସ୍ୟ ହରେଇଲା ବୋଲି ଉପସ୍ଥିତ ସଭ୍ୟମାନେ ମତବ୍ୟକ୍ତ କରିଥିଲେ। କାର୍ଯ୍ୟକାରୀ ସଭାପତି ଉପେନ୍ଦ୍ର କୁମାର ନାୟକ,ଉପ ସାଧାରଣ ସମ୍ପାଦକ କିଶୋର ନାୟକ,ସଂଗଠନ ସମ୍ପାଦକ ରବି ନାରାୟଣ ପରିଡ଼ା, ଜଗନ୍ନାଥ ରାଉତ, କୁଞ୍ଜବିହାରୀ ରାଉତ, ସୁବ୍ରତ କୁମାର ମଲ୍ଲିକ, ଜଟାଧାରୀ ମାଝୀ, ଚାନ୍ଦମଣି ବେହୁରା, ଗଙ୍ଗାଧର ନାୟକ, ଉଗ୍ରସେନ ବିଶ୍ୱାଳ ପ୍ରମୁଖ ଉପସ୍ଥିତ ରହି ସ୍ବର୍ଗତ ପରିଡ଼ା ଙ୍କ ଜୀବନାଦର୍ଶ, ସାହିତ୍ୟ ଜଗତକୁ ତଥା ମହାସଭା କୁ ବଳିଷ୍ଠ କରିବା ପାଇଁ ତାଙ୍କର ଉପଦେଶ ଓ ଅବଦାନ ଉପରେ ଆଲୋଚନା କରାଯାଇ ଶୋକସନ୍ତପ୍ତ ପରିବାରକୁ ସମବେଦନା ଜ୍ଞାପନ କରାଯାଇଥିଲା।