ଚିକିଟି ରେ ବର୍ଣ୍ଣାଳୀ କାର୍ଯ୍ୟକ୍ରମର ତଦାରଖ

ଚିକିଟି: ଆନ୍ତର୍ଜାତୀୟ ସ୍ଵେଚ୍ଛାସେବୀ ସଂସ୍ଥା ଜେପାଲ ସାଉଥ୍ ଏସିଆ ଓ ବ୍ରେକଥ୍ରୋ ସଂସ୍ଥା ସହଯୋଗରେ ଓଡ଼ିଶାରେ ଗତ ୨୦୨୨/୨୩ ଶିକ୍ଷା ବର୍ଷରୁ ବର୍ଣ୍ଣାଳୀ କାର୍ଯ୍ୟକ୍ରମ ଆରମ୍ଭ ହୋଇଛି। ଏହାକୁ ଓଡ଼ିଶା ସ୍କୁଲ ଓ ଗଣଶିକ୍ଷା ବିଭାଗ ପରିଚାଳନା କରୁଛନ୍ତି। ବିଶେଷ କରି ଲିଙ୍ଗଗତ ବୈଷମ୍ୟତା ଦୂର କରିବା ହିଁ ଏ ଯୋଜନାର ଲକ୍ଷ୍ୟ।ଷଷ୍ଠ, ସପ୍ତମ ଓ ଅଷ୍ଟମ ଶ୍ରେଣୀରେ ପିଲାଙ୍କୁ ବିଭିନ୍ନ ଶିକ୍ଷା ଓ ଶିକ୍ଷଣ କାର୍ଯ୍ୟକ୍ରମ ମାଧ୍ୟମରେ ସବୁ ପିଲାଙ୍କୁ ସମାନ ସୁଯୋଗ ଅଧିକାର ଦେବାକୁ ଅଭିପ୍ରେତ ଏ କାର୍ଯ୍ୟକ୍ରମ ପାଇଁ ଶିକ୍ଷକଙ୍କୁ ତାଲିମ ମଧ୍ୟ ଦିଆଯାଇଥିଲା। ତେବେ ଏହାର ସମୀକ୍ଷା ଓ ତଦାରଖ ପାଇଁ ଅଧିକାରୀ ମାନେ ବିଭିନ୍ନ ବିଦ୍ୟାଳୟ ଗସ୍ତ କରିଥାନ୍ତି। ବର୍ଣ୍ଣାଳୀର ଜିଲ୍ଲା ସଂଯୋଜକ ଶ୍ରୀ ବର୍ଣ୍ଣାଳୀ କାର୍ଯ୍ଯକ୍ରମ ର ସଂଯୋଜକ ଶ୍ରୀଯୁକ୍ତ ସନ୍ତୋଷ କୁମାର ପାତ୍ର ହିଂଜିଳିଗାଁ ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟ ପରିଦର୍ଶନ କରି **ବର୍ଣ୍ଣାଳୀ ଶ୍ରେଣୀ ପଠନ କାର୍ଯ୍ୟକ୍ରମ**ର ତଦାରଖ କରିଥିଲେ। ପରିଦର୍ଶନ ସମୟରେ ସେ ବର୍ଣ୍ଣାଳୀ ଶ୍ରେଣୀରେ ଶିକ୍ଷାର୍ଥୀମାନଙ୍କ ପଠନ ଦକ୍ଷତା, ଶ୍ରେଣୀକକ୍ଷ କାର୍ଯ୍ୟକଳାପ, ଶିକ୍ଷଣ-ଶିକ୍ଷାଦାନ ପ୍ରଣାଳୀ ଓ ଶିକ୍ଷଣ ସାମଗ୍ରୀର ବ୍ୟବହାର ସମ୍ପର୍କରେ ତଦାରଖ କରିଥିଲେ। ଶିକ୍ଷାର୍ଥୀମାନଙ୍କ ସହ ଆଲୋଚନା କରି ସେମାନଙ୍କ ପଠନ ଦକ୍ଷତାର ମଧ୍ୟ ଅନୁଧ୍ୟାନ କରିଥିଲେ। ଏହି ଅବସରରେ ବର୍ଣ୍ଣାଳୀ କାର୍ଯ୍ୟକ୍ରମକୁ ଅଧିକ ପ୍ରଭାବଶାଳୀ କରିବା ସହ ଶିକ୍ଷାର୍ଥୀମାନଙ୍କ ପଠନ ଦକ୍ଷତା ବୃଦ୍ଧି ପାଇଁ ଆବଶ୍ୟକ ପରାମର୍ଶ ଓ ମାର୍ଗଦର୍ଶନ ପ୍ରଦାନ କରିଥିଲେ। ବିଦ୍ୟାଳୟ ପକ୍ଷରୁ ତାଙ୍କର ଏହି ପରିଦର୍ଶନକୁଶିକ୍ଷକ ଶିକ୍ଷୟତ୍ରୀ ଅଭିଭାବକ ମାନେ ସ୍ୱାଗତ କରିଥିଲେ ।