ସ୍ୱର୍ଗତ ଗୀତାଞ୍ଜଳି କରଙ୍କ ଦ୍ୱାଦଶାହରେ ଯୋଗଦେଲେ ସୁଦୀପ କର

ଯାଜପୁର: ଯାଜପୁର ନିର୍ବାଚନମଣ୍ଡଳୀ ଅନ୍ତର୍ଗତ ଖଇରବାଦ ପଞ୍ଚାୟତର ପୂର୍ବତନ ସରପଞ୍ଚ ଶ୍ରୀଯୁକ୍ତ ରଜନୀ କରଙ୍କ ଧର୍ମପତ୍ନୀ ସ୍ୱର୍ଗତ ଗୀତାଞ୍ଜଳି କରଙ୍କ ଦ୍ୱାଦଶାହ ଅବସରରେ ଶୋକସନ୍ତପ୍ତ ପରିବାରକୁ ସାନ୍ତ୍ୱନା ଦେବା ସହ ଦିବଂଗତ ଆତ୍ମାଙ୍କ ପ୍ରତି ଶ୍ରଦ୍ଧାଞ୍ଜଳି ଜଣାଇଛନ୍ତି ଯାଜପୁର ନିର୍ବାଚନମଣ୍ଡଳୀର କଂଗ୍ରେସ ଦଳର ପ୍ରାର୍ଥୀ ସୁଦୀପ କର। ଦ୍ୱାଦଶାହ କାର୍ଯ୍ୟକ୍ରମରେ ଉପସ୍ଥିତ ରହି ସୁଦୀପ କର ସ୍ୱର୍ଗତ ଗୀତାଞ୍ଜଳି କରଙ୍କ ଅମର ଆତ୍ମାର ସଦ୍‌ଗତି କାମନା କରିବା ସହ ତାଙ୍କ ଫଟୋଚିତ୍ରରେ ପୁଷ୍ପମାଲ୍ୟ ଅର୍ପଣ କରି ଶ୍ରଦ୍ଧାସୁମନ ଜଣାଇଥିଲେ। ଏଥିସହ ଶୋକାକୁଳ ପରିବାରବର୍ଗଙ୍କୁ ଭେଟି ସମବେଦନା ଜ୍ଞାପନ କରିଥିଲେ। ସ୍ୱର୍ଗତ ଗୀତାଞ୍ଜଳି କରଙ୍କ ବିୟୋଗ ପରିବାର ଓ ଆତ୍ମୀୟସ୍ୱଜନଙ୍କ ପାଇଁ ଏକ ଅପୂରଣୀୟ କ୍ଷତି ବୋଲି ପ୍ରକାଶ କରିବା ସହ ତାଙ୍କ ସ୍ମୃତି ଚିରଦିନ ଅମ୍ଳାନ ହୋଇ ରହିବ ବୋଲି ସୁଦୀପ କର କହିଥିଲେ। ଏହି ଅବସରରେ ପରିବାରର ସଦସ୍ୟ, ଆତ୍ମୀୟସ୍ୱଜନ ଓ ସ୍ଥାନୀୟ ଅଞ୍ଚଳର ବହୁ ବ୍ୟକ୍ତି ଉପସ୍ଥିତ ରହି ଦିବଂଗତ ଆତ୍ମାଙ୍କ ପ୍ରତି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ।