ଶାନ୍ତିଲତା ତ୍ରିପାଠୀଙ୍କ ପ୍ରଥମ ବାର୍ଷିକ ଶ୍ରାଦ୍ଧ ରେ କିଶାନ ପଣ୍ଡା

ଧର୍ମଶାଳା: ଧର୍ମଶାଳା ନିର୍ବାଚନମଣ୍ଡଳୀ ଅନ୍ତର୍ଗତ ଝାଟିଆ ଶାସନ ଗ୍ରାମର ମନୋଜ କୁମାର ତ୍ରିପାଠୀ ଓ ସରୋଜ କୁମାର ତ୍ରିପାଠୀଙ୍କ ମାତା ସ୍ୱର୍ଗତ ଶାନ୍ତିଲତା ତ୍ରିପାଠୀଙ୍କ ପ୍ରଥମ ବାର୍ଷିକ ଶ୍ରାଦ୍ଧ ଶ୍ରଦ୍ଧା ଓ ସ୍ମୃତିର ସହ ପାଳିତ ହୋଇଯାଇଛି। ଗଣେଶ ବଜାର, ବାରବାଟୀସ୍ଥିତ ଭଗବାନ ଶ୍ରୀରାମ କଲ୍ୟାଣ ମଣ୍ଡପଠାରେ ଆୟୋଜିତ ଏହି ଶ୍ରାଦ୍ଧ ଉତ୍ସବରେ ଧର୍ମଶାଳା କଂଗ୍ରେସ ଦଳର ପ୍ରାର୍ଥୀ କିଶାନ ପଣ୍ଡା ଯୋଗଦେଇ ସ୍ୱର୍ଗତ ଶାନ୍ତିଲତା ତ୍ରିପାଠୀଙ୍କ ଅମର ଆତ୍ମା ପ୍ରତି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ଏହି ଅବସରରେ ସେ ଶୋକସନ୍ତପ୍ତ ପରିବାରବର୍ଗଙ୍କୁ ସାନ୍ତ୍ୱନା ପ୍ରଦାନ କରିବା ସହ ସ୍ୱର୍ଗତ ଶାନ୍ତିଲତା ତ୍ରିପାଠୀଙ୍କ ସ୍ମୃତି ଚିରସ୍ଥାୟୀ ହୋଇ ରହୁ ବୋଲି କାମନା କରିଥିଲେ। ପରିବାରର ସଦସ୍ୟ, ଆତ୍ମୀୟସ୍ୱଜନ ଓ ଶୁଭେଚ୍ଛୁମାନେ ମଧ୍ୟ ଉପସ୍ଥିତ ରହି ଦିବଂଗତ ଆତ୍ମାଙ୍କ ପ୍ରତି ଶ୍ରଦ୍ଧାସୁମନ ଅର୍ପଣ କରିଥିଲେ। ଶ୍ରାଦ୍ଧ ଉତ୍ସବ ଅବସରରେ ସ୍ୱର୍ଗତ ଶାନ୍ତିଲତା ତ୍ରିପାଠୀଙ୍କ ଜୀବନ ଓ ସ୍ମୃତିକୁ ମନେ ପକାଇ ପରିବାରବର୍ଗ ଭାବବିହ୍ୱଳ ହୋଇପଡ଼ିଥିଲେ।