ନିଟ୍‌ରେ ସଫଳତା ପାଇଥିବା ବିନ୍ଧାଣ ଗ୍ରାମର ଅନ୍ୱେଷା ପାଣୀକୁ ଅଭିନନ୍ଦନ

ଯାଜପୁର ବ୍ଳକ ଅନ୍ତର୍ଗତ ପଣସା ଗ୍ରାମପଞ୍ଚାୟତର ବିନ୍ଧାଣ ଗ୍ରାମର ଅନ୍ୱେଷା ପାଣି ନିଟ୍ ପରୀକ୍ଷାରେ ୬୨୦ ନମ୍ବର ରଖି କୃତକାର୍ଯ୍ୟ ହୋଇଥିବାରୁ ବିଭିନ୍ନ ନେତ୍ରୁବୃନ୍ଦ, ଶିକ୍ଷାବିତ୍ ଓ ବୁଦ୍ଧିଜୀବୀ ଅଭିନ୍ଦନ ଜଣାଇଛନ୍ତି । ସେ ଓଡ଼ିଶା ଆଦର୍ଶ ବିଦ୍ୟାଳୟ ଜମଧର ବରୁଆଁ ଠାରେ ପଢ଼ୁଥିଲେ । ସର୍ବଭାରତୀୟସ୍ତରରେ ୫୯୮୯ ର‌୍ୟାଙ୍କ ରହିବା ସହ କାଟାଗୋରୀ ର‌୍ୟାଙ୍କ ୨୫୭୦ରେ ଅଛନ୍ତି । ତାଙ୍କର ପିତା ଅଜିତ୍ କୁମାର ପାଣି ମାତା ସନ୍ଧ୍ୟାରାଣୀ ପାଣି, ଜେଜେବାପା ବିରଭଦ୍ର ପାଣି, ଝିଅର ଏହି ସଫଳତା ପାଇଁ ସ୍କୁଲର ଶିକ୍ଷକ ଓ ଶିକ୍ଷୟିତ୍ରୀ ଓ ସମସ୍ତଙ୍କର ଭଲପାଇବା ଓ ଆର୍ଶିବାଦ ସହ ଝିଅର ଏକନିଷ୍ଠ ସାଧନା ଓ ପରିଶ୍ରମ ଆମ ପରିବାରକୁ ଏହି ସଫଳତା ଦେଇଛନ୍ତି । ପ୍ରକାଶ ଥାଉକି ଏହି ଛାତ୍ରୀ ଜଣକ ଆବଶ୍ୟକୀୟ ଅର୍ଥ ଅଭାବରୁ କୌଣସି କୋଚିଙ୍ଗର ସୁବିଧା ପାଇପାରିନଥିଲେ । ନିଜସ୍ୱ ପରିଶ୍ରମ ବଳରେ ଆଜି ପଣସା ପଞ୍ଚାୟତରେ ନିଜେ ସେ ଉତ୍ତିର୍ଣ୍ଣ ହେବା ସହ ବିନ୍ଧାଣ ଗ୍ରାମକୁ ଗୌରବ ଆଣିଦେଇଛନ୍ତି । ତାଙ୍କର ସଫଳତା ପାଇଁ ସମାଜସେବୀ ସନ୍ତୋଷ କୁମାର ନନ୍ଦ, ହିମାଂଶୁଭୂଷଣ ନନ୍ଦ ତାଙ୍କ ପରିବାରକୁ ଯାଇ ଝିଅର ସଫଳତା ପାଇଁ ପରିବାର ବର୍ଗଙ୍କୁ କୃତଜ୍ଞତା ଓ ଅଭିନନ୍ଦନ ଜଣାଇବା ସହ ଡାକ୍ତରୀ ପରୀକ୍ଷାରେ ଡାକ୍ତରୀ ପଢ଼ିବା ନିମନ୍ତେ ଉତ୍ତିର୍ଣ୍ଣ ହୋଇଥିବାରୁ କୁମାରୀ ଅନ୍ୱେଷା ପାଣିଙ୍କୁ ଉତ୍ତରୀୟ, ପୁଷ୍ପଗୁଚ୍ଛ ଓ ମିଠା ଖୁଆଇ ଶୁଭେଚ୍ଛା ଜଣାଇବା ସହ ଆଶୀର୍ବଦା ପ୍ରଦାନ କରିଥିଲେ ଓ ତା’ର ଉଜ୍ଜ୍ୱଳ ଭବିଷ୍ୟତ କାମନା କରିଥିଲେ ।