ଶ୍ରାବଣ ମାସର ପ୍ରଥମ ସୋମବାରରେ ତିରିମଲ ନଦୀ ଘାଟରେ କାଉଡ଼ିଆଙ୍କ ଭିଡ଼, ଶୈବ ପୀଠକୁ ଜଳ ନେଇ ବାହାରିଲେ ଶ୍ରଦ୍ଧାଳୁ

ଖୋର୍ଦ୍ଧା: ପବିତ୍ର ଶ୍ରାବଣ ମାସର ପ୍ରଥମ ସୋମବାର ଅବସରରେ ଖୋର୍ଦ୍ଧା ଜିଲ୍ଲାର ବିଭିନ୍ନ ଶୈବ ପୀଠରେ ଜଳଲାଗି କରିବା ପାଇଁ ଭୋରୁ ଭୋରୁ ତିରିମଲ ନଦୀ ଘାଟରେ କାଉଡ଼ିଆ ଭକ୍ତଙ୍କ ବ୍ୟାପକ ଭିଡ଼ ପରିଲକ୍ଷିତ ହୋଇଥିଲା।ଭକ୍ତମାନେ ହର ହର ମହାଦେବ ଓ ବୋଲ ବମ୍ ଧ୍ୱନିରେ ପରିବେଶକୁ ଭକ୍ତିମୟ କରି ନଦୀରୁ ପବିତ୍ର ଜଳ ସଂଗ୍ରହ କରି କାନ୍ଧରେ କାଉଡ଼ି ବୋହି ବିଭିନ୍ନ ଶିବ ମନ୍ଦିର ଅଭିମୁଖେ ପଦଯାତ୍ରା କରିଥିଲେ। ଶ୍ରାବଣର ପ୍ରଥମ ସୋମବାର ଥିବାରୁ ଭକ୍ତଙ୍କ ଉତ୍ସାହ ଓ ଆଧ୍ୟାତ୍ମିକ ଉଦ୍ଦୀପନା ଦେଖିବାକୁ ମିଳିଥିଲା। କାଉଡ଼ିଆଙ୍କ ସୁରକ୍ଷା ଏବଂ ଯାତାୟାତକୁ ସୁଚାରୁ ରଖିବା ପାଇଁ ପୋଲିସ ପ୍ରଶାସନ ପକ୍ଷରୁ ଘାଟ ଓ ପ୍ରମୁଖ ରାସ୍ତାରେ ସୁରକ୍ଷା ବ୍ୟବସ୍ଥା କରାଯାଇଥିଲା। ଭକ୍ତମାନଙ୍କ ସୁବିଧା ପାଇଁ ସ୍ୱେଚ୍ଛାସେବୀ ସଂଗଠନମାନେ ମଧ୍ୟ ପାନୀୟ ଜଳ ଓ ଅନ୍ୟାନ୍ୟ ସେବା ଯୋଗାଇଥିଲେ। ଶ୍ରାବଣର ପ୍ରଥମ ସୋମବାରରେ ତିରିମଲ ନଦୀ ଘାଟର ଏହି ଭକ୍ତିମୟ ପରିବେଶ ସମଗ୍ର ଅଞ୍ଚଳକୁ ଆଧ୍ୟାତ୍ମିକ ଆବେଶରେ ଭରି ଦେଇଥିଲା।