ଅନୁଗୋଳରେ ବଡ଼ ସାଇବର ଠକେଇର ପର୍ଦ୍ଦାଫାସ: ୮୪ ଲକ୍ଷ ଟଙ୍କା ହଡ଼ପ ଅଭିଯୋଗରେ ICICI ବ୍ୟାଙ୍କ କର୍ମଚାରୀ ଗିରଫ

ଅନୁଗୋଳ: ଗ୍ରାହକଙ୍କ ବ୍ୟାଙ୍କ ଆକାଉଣ୍ଟର ବିବରଣୀରେ ଜାଲିଆତି କରି ଏବଂ ଅନଧିକୃତ ଡିଜିଟାଲ କାରବାର ମାଧ୍ୟମରେ ପ୍ରାୟ ୮୩.୯୯ ଲକ୍ଷ ଟଙ୍କା ହଡ଼ପ କରିବା ଅଭିଯୋଗରେ ଅନୁଗୋଳ ପୋଲିସ ଜଣେ ICICI ବ୍ୟାଙ୍କ କର୍ମଚାରୀଙ୍କୁ ଗିରଫ କରିଛି। ଅଭିଯୋଗ ପାଇବାର ମାତ୍ର ୪୮ ଘଣ୍ଟା ମଧ୍ୟରେ ପୋଲିସ ଏହି ସଫଳତା ହାସଲ କରିଛି। ପୋଲିସ ସୂଚନା ଅନୁସାରେ, ଡିଜିଟାଲ ପ୍ରମାଣ ଏବଂ ବୈଜ୍ଞାନିକ ତଦନ୍ତ ଆଧାରରେ ଅଭିଯୁକ୍ତଙ୍କ ସମ୍ପୃକ୍ତତା ସାମ୍ନାକୁ ଆସିଥିଲା। ଏହାପରେ ତୁରନ୍ତ କାର୍ଯ୍ୟାନୁଷ୍ଠାନ କରି ତାଙ୍କୁ ଗିରଫ କରାଯାଇଛି। ସାଇବର ଓ ଆର୍ଥିକ ଅପରାଧ ବିରୋଧରେ କଠୋର ପଦକ୍ଷେପ ନେବା ସହ ନାଗରିକଙ୍କ ଜମା ଅର୍ଥ ଓ ଡିଜିଟାଲ ସୁରକ୍ଷା ସୁନିଶ୍ଚିତ କରିବାକୁ ଅନୁଗୋଳ ପୋଲିସ ପ୍ରତିବଦ୍ଧ ଥିବା କହିଛି।