୭ ଅବସରପ୍ରାପ୍ତ ପୋଲିସ କର୍ମଚାରୀଙ୍କୁ ସମ୍ମାନିତ କଲା ଅନୁଗୋଳ ପୋଲିସ

ଅନୁଗୋଳ: ଅନୁଗୋଳ ପୋଲିସ ପକ୍ଷରୁ ସେବାଜୀବନରେ ଉତ୍ସର୍ଗୀକୃତ କାର୍ଯ୍ୟ ପାଇଁ ୭ ଜଣ ଅବସରପ୍ରାପ୍ତ ପୋଲିସ କର୍ମଚାରୀଙ୍କୁ ଏକ ସ୍ୱତନ୍ତ୍ର ବିଦାୟ ସମାରୋହରେ ସମ୍ମାନିତ କରାଯାଇଛି। ସମ୍ମାନିତ ଅବସରପ୍ରାପ୍ତ କର୍ମଚାରୀମାନେ ହେଲେ— ଇନ୍ସପେକ୍ଟର ନଟବର ନନ୍ଦ, ଏସ୍‌ଆଇ କାର୍ତ୍ତିକେଶ୍ୱର ବେହେରା, ଏସ୍‌ଆଇ ମାନସ କୁମାର ମିଶ୍ର, ଏସ୍‌ଆଇ ଅଜୟ କୁମାର ସାହୁ, ହାବିଲଦାର (ହା/୪୭୭) ଫିରୋଜ କୁମାର ମହାନ୍ତି, ରୋଷେୟା ସୁଶୀଲ କୁମାର ଭୁକ୍ତା ଓ ଝାଡ଼ୁଦାର ହେମା ଦେଇ। ବରିଷ୍ଠ ପୋଲିସ ଅଧିକାରୀ, ପୋଲିସ କର୍ମଚାରୀ ଏବଂ ଅବସରପ୍ରାପ୍ତ କର୍ମଚାରୀଙ୍କ ପରିବାର ସଦସ୍ୟଙ୍କ ଉପସ୍ଥିତିରେ ଆୟୋଜିତ ଏହି ବିଦାୟ ସମାରୋହରେ ଅନୁଗୋଳ ଏସ୍‌ପି ମୁଖ୍ୟ ଅତିଥି ଭାବେ ଯୋଗଦେଇ ଅବସରପ୍ରାପ୍ତ କର୍ମଚାରୀଙ୍କ ଦୀର୍ଘ ସେବାକୁ ପ୍ରଶଂସା କରିଥିଲେ। ସେମାନଙ୍କୁ ସମ୍ମାନ ସ୍ୱରୂପ ସ୍ମାରକୀ ପ୍ରଦାନ କରାଯାଇଥିଲା। ଶେଷରେ ଅନୁଗୋଳ ପୋଲିସ ପକ୍ଷରୁ ସମସ୍ତ ଅବସରପ୍ରାପ୍ତ କର୍ମଚାରୀଙ୍କ ସୁସ୍ଥ, ସୁଖମୟ ଓ ପରିପୂର୍ଣ୍ଣ ଅବସରପ୍ରାପ୍ତ ଜୀବନ କାମନା କରାଯାଇଥିଲା।