କଂକ୍ରିଟ ରାସ୍ତା କାମ ନିମ୍ନ ମାନର ର ନେଇ ତାତିଲେ ଗ୍ରାମବାସୀ

ବାହାନଗା ବ୍ଲକ କୁରୁଡ଼ା ପଞ୍ଚାୟତର ୩ ନମ୍ବର ୱାର୍ଡରେ ଏକ କଂକ୍ରିଟ ରାସ୍ତା କାମ ନିମ୍ନମାନର ନେଇ ତତିଲେ ଗ୍ରାମବାସୀ। ଏହି ଗାର୍ଡକୁ ୨୦୨୫-୨୦୨୬ ଆର୍ଥିକ ବର୍ଷରେ ଜିଆରଇଏସ ଯୋଜନାରେ ୧ ଲକ୍ଷ ୪୩ ହଜାର ଟଙ୍କା ମଞ୍ଜୁର ହୋଇଥିଲା। ଏହି କାମ ବିଭାଗୀୟ ଅଧିକାରୀଙ୍କ ନାମରେ କାର୍ଯ୍ୟାଦେଶ ଅଛି। ମାତ୍ର କାମଟି ସରପଞ୍ଚଙ୍କ ତତ୍ତ୍ଵାବଧାନରେ କରାଯାଉଛି। ବୁଧବାର କାମ ଆରମ୍ଭ ହେବା ସମୟରେ ୱାର୍ଡ ସଭ୍ୟାଙ୍କ ସ୍ବାମୀ ଭଜିତ ସାହୁ ଓ ଗ୍ରାମବାସୀ ଅଭିଯୋଗ କରିବା ସହିତ ଭଲ ଆବିଳେ କାମ ଆରମ୍ଭ କରିବାକୁ କହିବାରୁ ସରପଞ୍ଚ ମାନନ୍ତି ସେମାନଙ୍କ ସହିତ ଗଣ୍ଡଗୋଳ ଆରମ୍ଭ ହୋଇଥିଲା। ଏହି ଘଟଣାକୁ ନେଇ ଗ୍ରାମରେ ଉତ୍ତେଜନା ଦେଖାଦେଇଥିଲା। ପରେ ବ୍ଲକର କନିଷ୍ଠ ଯନ୍ତ୍ରୀ ହରେକୃଷ୍ଣ ମାଝୀ ପହଞ୍ଚି ବୁଝାସୁଝା କରିବା ସହିତ ହେଉଥିବା କାମକୁ ତଦାରଖ କରିଥିଲେ। କାମ ମେଜରମେଣ୍ଟ ବେଳେ ମାପରେ କମ୍ ଦେଖା ହୋଇଥିବା ନେଇ ଅଭିଯୋଗ ହେବାରୁ ରାସ୍ତା ମଝି ଓ କଡ଼ରେ ଖୋଳା ହୋଇ କାମ ଦେଖାଯାଇଥିଲା। ମାତ୍ର ମ୍ୟାଟେରିଆଲ ନିମ୍ନମାନର କମ ସିମେଣ୍ଟରେ କାମ ହେଉଥିବା ନେଇ ଅଭିଯୋଗ ହୋଇଥିଲା। ପରେ କନିଷ୍ଠ ଯନ୍ତ୍ରୀ ମାଝୀଙ୍କ ଉପସ୍ଥିତିରେ କାମ କରାଯାଇଥିଲା।