ଶିବ ମନ୍ଦିରରୁ ଚୋରି, ଲୁଟି ନେଲେ ୨୪ କିଲୋ ଓଜନର ମୂର୍ତ୍ତି

ସୋରରୁ ଚୋରି କମିବାର ନାଁ ଧରୁନି। ଦିନେ ଦୁଇ ଦିନ ଅନ୍ତରରେ ବିଭିନ୍ନ ସ୍ଥାନରୁ ନିୟମିତ ଭାବେ ଚୋରି ହେଉଥିବା ବେଳେ ପୁଲିସର ହାତ ଖାଲି ଥିବାରୁ ସାଧାରଣରେ ଅସନ୍ତୋଷ ପ୍ରକାଶ ପାଇଛି। ଗତକାଲି ବିଳମ୍ବିତ ରାତିରେ ଅନନ୍ତପୁର ଥାନା ପାଖର ପଞ୍ଚାୟତ ଦୁଗାପୁର ଗ୍ରାମରେ ଥିବା ଶିବ ମନ୍ଦିରରୁ କିଛି ଦୁର୍ବୁର୍ତ୍ତ ୨୪ କିଲୋ ଓଜନର ପିତଳ ମୁର୍ତ୍ତି ଓ ଲକ୍ଷାଧିକ ଟଙ୍କାର ସାମଗ୍ରୀ ଚୋରି କରିଥିଲେ। ଆଜି ସକାଳେ ମନ୍ଦିରର ପୂଜକ ମନ୍ଦିର ଖୋଲିବା ପରେ ଏବାବଦରେ ଜାଣି ଗ୍ରାମବାସୀମାନଙ୍କୁ ଅବଗତ କରାଇବା ସହିତ ଅନନ୍ତପୁର ଥାନାରେ ଅଭିଯୋଗ କରିବା ପରେ ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିବା ଜଣାପଡିଛି। ଗତ କିଛିମାସ ପୁର୍ବରୁ ଉକକ୍ତ ଗ୍ରାମର ଚାରୋଟି ମନ୍ଦିରରୁ ସିରିଜ ଚୋରି ହୋଇଥିବା ବେଳେ ଗତକାଲି ରାତିରେ ପୁନଶ୍ଚ ଚୋରି ହୋଇଥିବାରୁ ସାଧାରଣରେ ଅସନ୍ତୋଷ ପ୍ରକାଶ ପାଇଛି। ପୁଲିସ ପକ୍ଷରୁ କଡା ପେଟ୍ରୋଲିଂ ସିହିତ ଚୋର ମାନଙ୍କୁ ଧରିବାକୁ ଦାବି ହୋଇଛି।