କୋଡ଼ିଏ ଦିନ ହେବ ଅନ୍ଧାରରେ ଦୁଇ ଗାଁ, ନୂଆ ଟ୍ରାନ୍ସଫର୍ମର ଦାବିରେ କଲେ ବିଦ୍ୟୁତ୍ କାର୍ଯ୍ୟାଳୟ ଘେରାଉ

କିଛି ଦିନ ପୂର୍ବେ ବିଜୁଳି ଚଡକ ମାରିବାରୁ ଗାଁ ର ଟ୍ରାନ୍ସଫର୍ମର ଜଳିଯାଇଥିଲା I ସେହି ଦିନ ଠାରୁ ବିଦ୍ୟୁତ ସେବା ଗାଁ ରେ ଠପ୍ ହୋଇଯାଇଛି I ପରେ ଗ୍ରାମବାସୀ ବୀରମିତ୍ରପୁର TPWODL କର୍ତ୍ତୃପକ୍ଷ ଙ୍କୁ ସୂଚନା ଦେବା ସହିତ ନୂଆ ଟ୍ରାନ୍ସଫର୍ମର ଲଗାଇବା ପାଇଁ ଦରଖାସ୍ତ ମଧ୍ୟ ଦେଇଥିଲେ I ହେଲେ କୋଡ଼ିଏ ଦିନ ରୁ ଉର୍ଦ୍ଧ ଦିନ ବିତିଯାଇଥିଲେ ସୁଦ୍ଧା ସମସ୍ୟା ର ସମାଧାନ ହୋଇ ନ ଥିବା ଅଭିଯୋଗ କରିଛନ୍ତି ଗ୍ରାମ ବାସୀ l ବାଧ୍ୟ ହୋଇ ଦୁଇ ଗାଁ ଲୋକେ ଆଜି ବୀରମିତ୍ରପୁର ବିଦ୍ୟୁତ୍ ବିଭଗ କାର୍ଯ୍ୟାଳୟ ପହଂଚି କାର୍ଯ୍ୟାଳୟ କୁ ଘେରାଉ କରିଥିଲେ l ଏପରି ସମସ୍ୟା ଦେଖିବାକୁ ମିଳିଛି ସୁନ୍ଦରଗଡ଼ ଜିଲ୍ଲା କୁଆଁରମୁଣ୍ଡା ବ୍ଲକ ଅନ୍ତର୍ଗତ ଦଲକି ଓ ଭଦରପୁର ଗାଁ ରେ l କୋଡ଼ିଏ ଦିନ ହୋଇଗଲା ଗାଁ ଲୋକେ ଅନ୍ଧାରେ ଜୀବନ କାଟୁଛନ୍ତି I ଛାତ୍ରଛାତ୍ରୀ ଙ୍କ ପାଠ ପଢା ହେଉ ବା ପିଇବା ପାଣି ସମସ୍ୟା ବିଜୁଳି ନ ଥିବା ଯୋଗୁ ଲୋକେ ଗରମ ରେ ଜୀବନ ଅତିବାହିତ କରିବାକୁ ବାଧ୍ୟ ହେବା ସହ ଅନେକ ସମସ୍ୟା ର ସମ୍ମୁଖୀନ ହେଉଛନ୍ତି ବୋଲି ଅଭିଯୋଗ କରିଛନ୍ତି ଗ୍ରାମବାସୀ l