ଜୁନାଗଡ ବ୍ଲକ ସମସ୍ତ ଧାନ ମଣ୍ଡି ରୁ ଶୀଘ୍ର ଧାନ ଉଠାଇବାକୁ ଦାବି

ଜୁନାଗଡ - ଜୁନାଗଡ ବ୍ଲକ ଅନ୍ତର୍ଗତ ଚାଷୀଙ୍କ ଧାନ ବିକ୍ରୟ କରିବା ପାଇଁ ଅନେକ ଧାନ ମଣ୍ଡି ବ୍ୟବସ୍ଥା ରାଜ୍ୟ ସରକାର କରିଛନ୍ତି। ନିୟନ୍ତ୍ରଣ ବଜାର କମିଟି ଓ ମହିଳା ସ୍ଵଂ ସହାୟକ ଗୋଷ୍ଠୀ ମାଧ୍ୟମରେ ସମସ୍ତ ଧାନ କ୍ରୟ କରାଯାଏ । କିନ୍ତୁ ମିଲର୍ସ ଓ ଏହି ଦୁଇ ସଂସ୍ଥା ମଧୁ ଚନ୍ଦ୍ରିକା ଯୋଗୁଁ ଚାଷୀର ଧାନ ଠିକ୍ ସମୟରେ ବିକ୍ରୟ ହୋଇ ନ ଥାଏ। ଜୁନାଗଡ ବ୍ଲକ ଅନ୍ତର୍ଗତ ଅନେକ ମଣ୍ଡିରେ ହଜାର ହଜାର ବସ୍ତା ଧାନ ବର୍ତ୍ତମାନ ମଧ୍ୟ ଖୋଲା ଆକାଶ ତଳେ ପଡ଼ି ରହିଛି। ମୌସମୀ ଜନିତ ବର୍ଷା ହେବା ରୁ ଧାନ ଗଜା ହେବାକୁ ହେଲାଣି ।ସରକାର ପୂର୍ବ ଘୋଷଣା ଅନୁସାରେ ଜୁନ୍ ମାସ ତିରିଶ ତାରିଖ ସୁଦ୍ଧା ମଣ୍ଡି ଶେଷହେବା ସ୍ଥିର କରିଥିଲେ। କିନ୍ତୁ ବର୍ତ୍ତମାନ ସମୟରେ ବ୍ଲକ୍ ର ସମସ୍ତ ମଣ୍ଡିରେ ଧାନ ଥିବା ସରକାର ଓ ଚାଷୀଙ୍କ ମୁଣ୍ଡ ବ୍ୟଥା ର କାରଣ ହୋଇ ଅଛି। ଆସନ୍ତା ଗୋଟିଏ ରୁ ଦୁଇ ଦିନ ମଧ୍ୟରେ ଧାନ କିଣା ସମସ୍ତ ନ କଲେ ଚାଷୀ ଆନ୍ଦୋଳନ ର ଧମକ ଦେଇ ଛନ୍ତି। ପ୍ରଶାସନ ଦୃଷ୍ଟି ଦେବାକୁ ସାଧାରଣରେ ଦାବି ହେଉଛି।