ଉଦଘାଟନର ୫ ଦିନ ଭିତରେ ୩ ଦୁର୍ଘଟଣା, ଚିନ୍ତାରେ ସାଲିଆସାହି ବାସିନ୍ଦା

ରିପୋର୍ଟ: ସୁଶାନ୍ତ କୁମାର ମହାକୁଡ଼, ସାଲିଆସାହି ଭୁବନେଶ୍ୱର: ସାଲିଆସାହି ଗାଁ ଦେଇ ଯାଇଥିବା ୨୦୦ ଫୁଟିଆ ରାସ୍ତାରେ ରାସ୍ତା ଶୁଭାରମ୍ଭ ହେବାର ମାତ୍ର ପାଞ୍ଚ ଦିନ ମଧ୍ୟରେ ତିନୋଟି ସଡ଼କ ଦୁର୍ଘଟଣା ଘଟିଥିବାରୁ ସ୍ଥାନୀୟ ଅଞ୍ଚଳରେ ଚିନ୍ତା ଓ ଅସନ୍ତୋଷ ପ୍ରକାଶ ପାଇଛି। ସ୍ଥାନୀୟ ଲୋକଙ୍କ କହିବାନୁସାରେ, ରାସ୍ତା ଚାଲୁ ହେବା ପରେ ଯାନବାହନର ଗତି ବୃଦ୍ଧି ପାଇଥିବା ବେଳେ ଯଥେଷ୍ଟ ସୁରକ୍ଷା ବ୍ୟବସ୍ଥା, ସତର୍କ ସୂଚନା ଫଳକ ଓ ଟ୍ରାଫିକ ନିୟନ୍ତ୍ରଣ ବ୍ୟବସ୍ଥାର ଅଭାବ ଦେଖାଦେଇଛି। ଫଳରେ ଅଳ୍ପ ସମୟ ମଧ୍ୟରେ ତିନୋଟି ଦୁର୍ଘଟଣା ଘଟିଛି। ଏହି ଘଟଣା ପରେ ସ୍ଥାନୀୟ ବାସିନ୍ଦା ମାନେ ରାସ୍ତାରେ ଗତି ନିୟନ୍ତ୍ରଣ ପାଇଁ ସ୍ପିଡ୍ ବ୍ରେକର, ଟ୍ରାଫିକ ସଙ୍କେତ ଓ ପୋଲିସ ପାଟ୍ରୋଲିଂ ବ୍ୟବସ୍ଥା କରିବାକୁ ଦାବି କରିଛନ୍ତି। ଆଗାମୀ ଦିନରେ ଆହୁରି ବଡ଼ ଦୁର୍ଘଟଣା ଏଡ଼ାଇବା ପାଇଁ ପ୍ରଶାସନ ତୁରନ୍ତ ପଦକ୍ଷେପ ନେବାକୁ ସାଧାରଣ ଲୋକ ଅନୁରୋଧ କରିଛନ୍ତି।