ଗାଡ଼ି ସଜାଡ଼ିବାକୁ ଡାକି ଗ୍ୟାରେଜ୍ ମାଲିକଙ୍କୁ ହତ୍ୟା; ଜଣେ ଗିରଫ, ୨ ଫେରାର

ଗଣିଆ :ନୟାଗଡ଼ ଜିଲ୍ଲା ଗଣିଆ ଥାନା ଅନ୍ତର୍ଗତ ପଣ୍ଡରାସିଂହା ଗାଁରେ ଏକ ଅଭାବନୀୟ ଘଟଣା ଘଟିଯାଇଛି। ଗାଡ଼ି ସଜାଡ଼ିବା ବାହାନାରେ ଡାକି ଜଣେ ଗ୍ୟାରେଜ୍ ମାଲିକଙ୍କୁ ଗୁଳି କରି ନିର୍ମମ ଭାବେ ହତ୍ୟା କରାଯାଇଛି। ମୃତ ଯୁବକ ଜଣକ ହେଲେ ପତୁରିଆ ଗାଁର ରବୀନ୍ଦ୍ର ନାୟକ (୨୮)। ଏହି ଘଟଣାରେ ପୁଲିସ ତତ୍ପରତା ପ୍ରକାଶ କରି ଜଣେ ଅଭିଯୁକ୍ତକୁ ବନ୍ଧୁକ ସହ ଗିରଫ କରିଥିବା ବେଳେ ଅନ୍ୟ ଦୁଇ ଜଣ ଫେରାର ଅଛନ୍ତି। ### 📌 କେମିତି ଥିଲା ହତ୍ୟାକାଣ୍ଡର ରଣନୀତି? ସୂଚନା ମୁତାବକ, ଗତକାଲି ରାତି ପ୍ରାୟ ୮ଟା ବେଳେ ବର୍ଷା ଓ ପବନ ଯୋଗୁଁ ସ୍ଥାନୀୟ ଅଞ୍ଚଳରେ ବିଦ୍ୟୁତ ସେବା ବାଧାପ୍ରାପ୍ତ ଥିଲା। ଏହାର ସୁଯୋଗ ନେଇ ପାଣ୍ଡରାସିଂହା ଛକରେ ଥିବା ରବୀନ୍ଦ୍ରଙ୍କ ବାଇକ୍ ଗ୍ୟାରେଜ୍ ସାମ୍ନାରେ ଏକ କାର୍ ଆସି ଅଟକିଥିଲା। କାର୍‌ରେ ୩ ଜଣ ଯୁବକ ଥିଲେ। କାର୍ ଚକା ଖରାପ ଅଛି ବୋଲି କହି ସେମାନେ ରବୀନ୍ଦ୍ରଙ୍କୁ ବାହାରକୁ ଡାକିଥିଲେ। ରବୀନ୍ଦ୍ର କିଛି ବୁଝିବା ପୂର୍ବରୁ କାର୍ ଭିତରୁ ଜଣେ ଯୁବକ ତାଙ୍କ ଛାତିକୁ ଗୁଳି ମାରିଥିଲା। ଗୁଳିଟି ତାଙ୍କ ଛାତି ଦେଇ ପିଠି ପଟେ ବାହାରି ଯାଇଥିଲା। ଘଟଣାସ୍ଥଳରେ ହିଁ ସେ ଟଳି ପଡ଼ିଥିଲେ। ### 💔 ପ୍ରେମ ବ୍ୟାପାରକୁ ନେଇ ସନ୍ଦେହ! ପ୍ରାଥମିକ ତଦନ୍ତରୁ ଜଣାପଡ଼ିଛି ଯେ ଏହି ହତ୍ୟାକାଣ୍ଡ ପଛରେ ପରକୀୟା ପ୍ରୀତି ବା ପ୍ରେମ ସମ୍ପର୍କର ସନ୍ଦେହ ରହିଛି। ପୁଲିସ ହାତରେ ଧରାପଡ଼ିଥିବା ମୁଖ୍ୟ ଅଭିଯୁକ୍ତଙ୍କ ପତ୍ନୀ କିଛି ଦିନ ହେବ ନିଖୋଜ ଅଛନ୍ତି। ଏହି ନିଖୋଜ ପଛରେ ମୃତ ରବୀନ୍ଦ୍ରଙ୍କ ହାତ ଥିବା ସେ ସନ୍ଦେହ କରୁଥିଲା ଏବଂ ପୂର୍ବରୁ ମଧ୍ୟ ରବୀନ୍ଦ୍ରଙ୍କୁ ଧମକଚମକ ଦେଇଥିଲା। ଶେଷରେ ତାଙ୍କୁ ଜୀବନରୁ ମାରିଦେବାକୁ ଯୋଜନା କରି ଏହି ଗୁଳିକାଣ୍ଡ ଘଟାଇଥିବା ଜଣାପଡ଼ିଛି। ପୁଲିସର ତଦନ୍ତ ଜାରି ଗୁଳିମାଡ଼ ଶବ୍ଦ ଶୁଣି ସ୍ଥାନୀୟ ଲୋକେ ରବୀନ୍ଦ୍ରଙ୍କୁ ଗଣିଆ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ନେଇଥିଲେ ମଧ୍ୟ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଗଣିଆ ଥାନା ଅଧିକାରୀ ଟଙ୍କଧର ଛତ୍ରିଆ ଓ ଏଏସ୍‌ଆଇ ସାହା ଆଲାମ ଖାଁ ଘଟଣାସ୍ଥଳରେ ପହଞ୍ଚି ଶବ ଜବତ କରିବା ସହ ତଦନ୍ତ ଚଳାଇଛନ୍ତି। ଗିରଫ ଅଭିଯୁକ୍ତକୁ ପଚରାଉଚରା କରାଯାଉଛି ଏବଂ ଫେରାର ଥିବା ଅନ୍ୟ ଦୁଇ ଜଣଙ୍କୁ ଖୁବ୍‌ଶୀଘ୍ର ଗିରଫ କରାଯିବ ବୋଲି ପୁଲିସ କହିଛି।