ବଙ୍ଗିଦା ଗ୍ରାମ ୭ ନମ୍ବର ୱାର୍ଡରେ ନୂତନ ନଳକୂପ ସ୍ଥାପନ କେବେ ?

ଖୋର୍ଦ୍ଧା ବ୍ଲକ ଅନ୍ତର୍ଗତ ବଙ୍ଗିଦା ଗ୍ରାମର ୭ ନମ୍ବର ୱାର୍ଡରେ ବାସିନ୍ଦା ପିଇବା ପାଣିର ଘୋର ସମସ୍ୟା ଦୀର୍ଘଦିନ ଧରି ଲାଗି ରହିଛି। ୱାର୍ଡର ଏକମାତ୍ର ନଳକୂପଟି ଦୀର୍ଘଦିନ ଧରି ଅଚଳ ଅବସ୍ଥାରେ ରହିଥିବା ବେଳେ RWSS ବିଭାଗର ଯନ୍ତ୍ରୀ ପରିଦର୍ଶନ କରି ଏହାକୁ ରିଜେକ୍ଟ ଘୋଷଣା କରିଛନ୍ତି। ଏହାଫଳରେ ଗ୍ରାମବାସୀଙ୍କୁ ପିଇବା ପାଣି ପାଇଁ ବହୁ ଦୂରକୁ ଯିବାକୁ ପଡୁଛି। ସରକାରଙ୍କ ପକ୍ଷରୁ ଯୋଗାଇ ଦିଆଯାଉଥିବା ପାଇପ ପାଣି ମଧ୍ୟ ଅତ୍ୟନ୍ତ ସ୍ୱଳ୍ପ ସମୟ ପାଇଁ ଆସୁଥିବାରୁ ଦୈନନ୍ଦିନ ଆବଶ୍ୟକତା ପୂରଣ ହୋଇପାରୁନାହିଁ। ବିଶେଷକରି ଗ୍ରୀଷ୍ମ ଋତୁରେ ମହିଳା ଓ ବୃଦ୍ଧମାନେ ବହୁ ସମସ୍ୟାର ସମ୍ମୁଖୀନ ହେଉଛନ୍ତି। ଗ୍ରାମ ବାସୀ ରାଜ୍ୟ ସରକାର ଙ୍କୁ ବିନମ୍ର ଅନୁରୋଧ କରିଛନ୍ତି ଯେ ବଙ୍ଗିଦା ଗ୍ରାମର ୭ ନମ୍ବର ୱାର୍ଡରେ ତୁରନ୍ତ ଏକ ନୂତନ ନଳକୂପ ସ୍ଥାପନ କରି ଗ୍ରାମବାସୀଙ୍କ ପିଇବା ପାଣି ସମସ୍ୟାର ସମାଧାନ କରି ଆବଶ୍ୟକ ପଦକ୍ଷେପ ନେବା ପାଇଁ।